'அவார்டு' சுதாகருக்கு மேலும் ஒரு விருது!

கட்டற்ற கலைக்களஞ்சியமான விக்கிப்பீடியா அண்மையில் நடத்திய வலைவாசல் ஊடகப் போட்டியில் சேலம் மாவட்டப் பத்திரிகையாளர் மன்ற மூத்த உறுப்பினரும், சேலம் டைம்ஸ் ஆப் இந்தியா புகைப்படக் கலைஞருமான திரு.ஏ.எம்.சுதாகர் அவர்கள் மூன்றாவது பரிசை வென்றுள்ளார்.

தமிழர்களின் கலை, கலாசாரம், பாரம்பரியப் பெருமைகளை மற்ற நாட்டினரும், பிறமொழிகளைத் தாய் மொழியாகக் கொண்டுள்ளவர்களும் அறியச் செய்வதற்காக இந்தப் போட்டி நடத்தப்பட்டது. இந்தப் போட்டியில் சுமார் 30 ஆயிரம் புகைப்படங்கள் பங்கேற்றன.


புகைப்படக் கலையில் பல அகில இந்திய மற்றும் சர்வதேச விருதுகளைக் குவித்துள்ள திரு.ஏ.எம்.சுதாகர் அவர்களின் சேவல் சண்டை படம் 3-வது பரிசை வென்றுள்ளது.

மேலும், சேலம் பெரியார் பல்கலைக்கழகத்தின் உதவிப் பேராசிரியர் திரு. மா.தமிழ்ப்பரிதி அவர்களுக்கு இதே போட்டியில் தொடர் பங்களிப்பாளருக்கான பரிசு கிடைத்துள்ளது.

2012-ம் ஆண்டின் விருது வேட்டையை விக்கிப்பீடியா ஊடகப் போட்டியில் இருந்து தொடங்கியுள்ள ஏ.எம்.சுதாகர் அவர்களுக்கும், ஆசிரியர்
மா.தமிழ்ப்பரிதி அவர்களுக்கும் சேலம் மாவட்டப் பத்திரிகையாளர் மன்றம் தனது வாழ்த்துகளைத் தெரிவித்துக் கொள்வதில் பெருமகிழ்ச்சியடைகிறது.